გორში, ერთ-ერთ ქუჩაზე ახალშობილი იპოვეს
ქალაქ გორში, ერთ-ერთ ქუჩაზე ახალშობილი იპოვეს.
ამის შესახებ ინფორმაციას “ინტერპრესნიუსი” ავრცელებს.
სააგენტოს ინფორმაციით, ჩვილი ზეწარში გახვეული იყო და ის საავადმყოფოში გადაიყვანეს.
გამოძიება სსკ-ის 127-ე მუხლით მიმდინარეობს, რაც სიცოცხლისთვის საშიშ მდგომარეობაში ჩაყენებას გულისხმობს.
ამ დროისთვის ახალშობილის ჯანმრთელობის მდგომარეობა სტაბილურია.
