ციხე დაამსგავსეს ჰოლივუდის გადასაღებ მოედანს ლევან სამუშია
თავისუფალი დემოკრატების წევრი, ლევან სამუშია, გლდანის ციხეში ჩაწერილ აუდიოჩანაწერებს ეხმაურება, სადაც მთავარი ფიგურანტები ხორავას ქუჩის საქმის გამოძიების ფარგლებში დაკავებული მირზა სუბელიანი და დეპუტატი ვიქტორ ჯაფარიძე ფიგურირებენ.
მისი თქმით, გაუგებარია საიდან მოხვდა მესამე პირის საკანში.
„ამ ხალხს ჰგონია, რომ პროკურატურას და ქართულ ოცნებას, რომ საზოგადოება არის ასეთი დაბალი დონის, რომ ამ ყიფიანის ზღაპრების შემდეგ, ამ ყველაფერს ჩვენ დავიჯერებთ. საზოგადოებაზე, ჩემზე, თქვენზე, სხვებზე აქვთ ასეთი დაბალი წარმოდგენა, რომ შეიძლება თურმე ჩვენ ასეთი მარაზმი დავიჯეროთ. როგორ შეიძლება, რომ დავიჯეროთ, რომ ადამიანები ასეთ სპექტაკლში მონაწილეობდნენ. ციხე დაამსგავსეს ჰოლივუდის გადასაღებ მოედანს. საიდან მოვიდა მესამე პირი ? ის მესამე პირი სუხიშვილი თუ ვიღაც ვინ არის? რა უფლება მოსილია? ციხეა ეს, ნინიას ბაღი ხომ არ არის?. როგორ შევიდა ეს მესამე პირი გამცენ პასუხი“ განაცხადა სამუშიამ.
