ინტერნეტში ზამთრის ძილისგან გამოღვიძებული დათვის ვიდეო გავრცელდა
ამერიკის შეერთებული შტატების ჩრდილოეთით, გლეიშერის ეროვნულ პარკში ვიდეოკამერამ გადაიღო, როგორ გამოიღვიძა დათვმა და ცდილობს, ნელ-ნელა გამოფხიზლდეს.
ვიდეო ინტერნეტში მალევე გავრცელდა და ინტერნეტმომხმარებლები გაამხიარულა.
შავი დათვი ძუძუმწოვარია, რომელიც შემოსილია შავი ბეწვით. სხეულის სიგრძე 1,8 მ-ს აღწევს. ბინადრობს ჩრდილოეთ ამერიკის ტყეებში. ზამთარს ატარებს ბუნაგში. იკვებება მცენარეებით, ზოგჯერ - ცხოველებითაც.
