ასტანის პოლიცია ხუთვარსკვლავიანი სასტუმროს შენობაში განთავსდება

ყაზახეთის შინაგან საქმეთა მინისტრის, კალმუხანბეტ კასიმოვის განცხადებით, დედაქალაქის პოლიციის დეპარტამენტი სასტუმრო Ramada Plaza-ში გადავა. კასიმოვი ამბობს, რომ ალმათიდან ასტანაში გადასვლის შემდეგ, სამართალდამცველებისთვის არცერთი შენობა არ იყო გამოყოფილი. ინფორმაციას ყაზახეთის მედია ავრცელებს.

„ერთი რაიონული განყოფილება კოტეჯშია განთავსებული, რომელიც კერძო პირისგან ვიქირავეთ. გამომძიებლები ფანჯრის რაფებზე სხედან“, - ამბობს მინისტრი და განმარტავს, რომ იძულებული გახდა გამოეცა ბრძანება პოლიციელების სხვა რეგიონში გადაყვანის აკრძალვის შესახებ.

სასტუმროს შენობის პოლიციისთვის გადაცემაზე მოლაპარაკებები დიდხანს მიმდინარეობდა და საბოლოოდ სამართალდამცველების სასარგებლოდ დასრულდა.

წყარო