საქართველომ წელს ტურისტული რეკორდი მოხსნა....
საქართველომ წელს ტურისტული რეკორდი მოხსნა....
ყოველ რეისს უცხოეთიდან ათეულობით სტუმარი მოჰყვება. ტურისტების რაოდენობის მხრივ შარშანდელი 8 მილიონიანი რეკორდი მოხსნილია. მაგრამ ეს ის შემთხვევაა, როცა ციფრები ნაკლებად მნიშვნელოვანია. თბილისის აეროპორტი ახლა იღებს სტუმრებს, რომლებმაც საქართველო ყველაზე ჯადოსნური დღეების – ახალი წლის და მთავარი შვებულების გასატარებლად აირჩიეს.
ტურისტთა დიდი ნაწილი საქართველოში პირველადაა. ხიბლავთ შესაძლებლობა, რომ მოკლე დროში მრავალფეროვანი ტური შეიძლება დაიგეგმოს – ნახონ ზღვა და ისრიალონ მთებში.
საახალწლო პერიოდი ზაფხულის შემდეგ სტატისტიკურადაც ყველაზე აქტიური ტურიტული სეზონია საქართველოში. საქართველო უსაფრთხო ქვეყნების ხუთეულშია, აქ მოგზაურობის რეკომენდაციას მსოფლიოს ავტორიტეტული ორგანიზაციები გასცემენ.
