პოლონეთის სენატის მარშალი საქართველოშია
პოლონეთის სენატის მარშალი საქართველოშია
საქართველოს მე-5 პრეზიდენტის ინაუგურაციის ცერემონიაზე დასასწრებად პოლონეთის სენატის მარშალი სტანისლავ კარჩევსკი და პოლონეთის პრეზიდენტის ადმინისტრაციის ხელმძღვანელი ჰალინა შიმანსკა საქართველოში ჩამოვიდნენ. პოლონელ სტუმრებს თბილისის აეროპორტში საგარეო საქმეთა მინისტრის მოადგილე მიხეილ ნინუა დახვდა.
პოლონეთის სეიმის მარშალი და პრეზიდენტის ადმინისტრაციის ხელმძღვანელი თელავში ინაუგურაციის ცერემონიას დაესწრებიან და მონაწილეობას მიიღებენ მის ფარგლებში დაგეგმილ ღონისძიებებში.
საქართველოში პრეზიდენტის ინაუგურაციის ცერემონიაში მონაწილეობის მისაღებად უკვე ჩამოვიდნენ ლიეტუვის სეიმის მარშალი- ვიქტორას პრანკიეტისი, მოლდოვას ვიცე პრემიერ-მინისტრი ქრისტინა ლესნიკი და ჩეხეთის სენატის პრეზიდენტი- იაროსლავ კუბერა.
წყარო: marshalpress.ge
