არჩილ ხანდამაშვილი: ჩვენ შევძლებთ თქვენი იდეების რეალიზებას -www.saintereso.tk
პარტია „ქართული ოცნება-დემოკრატიული საქართველოს“ გურჯაანის მერობის კანდიდატმა არჩილ ხანდამაშილმა მაჟორიტარი დეპუტატობის კანდიდატებთან ერთად სოფელ ბაკურციხისა და ახაშენის მოსახლეობას კარდაკარის პრინციპით შეხვდა.
ხანდამაშილმა მაჟორიტარი დეპუტატობის კანდიდატებთან ერთად თეიმურაზ ზავრაშვილთან და ლევან ხაზიურთან ერთად სოფელ ბაკურციხისა და ახაშენის მოსახლეობას კარდაკარის პრინციპით შეხვდა, ასევე გურჯაანის მაჟორიტარმა დეპუტატმა დავით სონღულაშვილმა და მერობის კანდიდატმა შეხვედრა გამართეს გურჯაანის ახალგაზრდებთან და სოფელ ველისციხის მაცხოვრებლებთან.
მერობის კანდიდატი ახაშენში მშენებარე სასტუმროს ესტუმრა და მშენებლობის პროცესი დაათვალიერა.
გურჯაანის მაჟორიტარმა დეპუტატმა დავით სონღულაშვილმა და მერობის კანდიდატმა არჩილ ხანდამაშვილმა ახალგაზრდებთან შეხვედრის დროს ყურადღება გაამახვილეს მათი იდეების რეალიზების ხელშეწყობაზე და მოუწოდეს გააქტიურება გურჯაანის მუნიციპალიტეტის განვითარებაზე ზრუნვისთვის. შეხვედრამ კითხვა–პასუხის რეჟიმში ჩაიარა.
„თქვენ უნდა შეძლოთ თქვენი თავის რეალიზება, რა თქმა უნდა ჩვენი-სახელმწიფოს მხარდაჭერით და თქვენ უნდა შეიტანოთ მნიშვნელოვანი წვლილი იმისთვის, რომ გურჯაანმა აუცილებლად დაიკავოს თავისი შესაფერისი ადგილი საქართველოს რუკაზე,“- აღნიშნა დავით სონღულაშვილმა.
გურჯაანის მაჟორიტარმა დეპუტატმა დავით სონღულაშვილმა ველისციხეში შეხვედრაზე აღნიშნა რომ გურჯაანის განვითარება, მუნიციპალიტეტის აღმშენებლობისთვის მნიშვნელოვანია და იმისთვის რომ შევძლოთ წარმატების მიღწევა ამისთვის საჭირო არის 21 ოქტომბერს სწორი არჩევანის გაკეთება.
ველისციხეში შეხვედრებზე, ყურადღება გაამახვილეს სოფლის მეურნეობის განვითარების ხელშეწყობაზე და სახელმწიფოს მხრიდან სხვადასხვა სასოფლო-სამეურნეო პროგრამების მხადაჭერაზე.
„მე იმიტომ მივდივარ თვითმართველობაში, რომ თქვენთან ერთად ვმართო მუნიციპალიტეტი, ხელი შევუწყო თქვენი იდეების რეალიზებას. საჭიროა, მიზანმიმართულად დაგვგეგმოთ და განვახორციელოთ ის, რაც საბოლოო ჯამში მეტ დოვლათს მოიტანს ჩენი გურჯაანისთვის. ჩვენ ყველა ერთად უნდა ჩავერთოთ ჩვენი ქვეყნის და მუნიციპალიტეტის აღმშენებლობაში“- აღნიშნა მერობის კანდიდატმა.
,,იმდენად სწორი ხედვები აქვს ბატონ არჩილს, რომ დარწმუნებული ვარ, აუცილებლად წარმატებული მერი იქნება,“– განაცხადა ველისციხის მაცხოვრებელმა ვასილ თარალაშვილმა.
