საბერძნეთი-თურქეთის საზღვარზე სამი ქალის ცხედარი იპოვეს
საბერძნეთში იძიებენ სამი ქალის მკვლელობის საქმეს, რომელთა ცხედრებიც მდინარე მარიცას სანაპიროზე იპოვეს. მათ დანით მიყენებული მრავლობითი ჭრილობა აღენიშნებათ. ამის შესახებ BBC წერს.
დაღუპულები აზიური წარმოშობის არიან, იტყობინება ბერძნული მედია.
მათი სავარაუდო ასაკებია: 15-20 წელი, 18-25 წელი და 20-30 წელი.
სავარაუდოდ, დანაშაულის მოტივი ძარცვა არაა, რადგან ერთ-ერთ დაღუპულს ოქროს სამკაულები ისევ ეკეთა.
ოფიციალური ინფორმაციით, 2018 წლის პირველ ნახევარში მდინარე მარიცას გადაკვეთით, 8 400-მა მიგრანტმა და თავშესაფრის მაძიებელმა სცადა საბერძნეთში გადასვლა. ეს მდინარე საბერძნეთისა და თურქეთის საზღვარს მიუყვება.
ცოტა ხნის წინ გავრცელდა ინფორმაცია, რომ საბერძნეთში 24 წლის ქართველი გოგო გარდაცვლილი იპოვეს. ახალგაზრდა, სავარაუდოდ, მოკლულია. მას ერთი თვის ჩვილი დარჩა.
