ავღანეთში საპარლამენტო არჩევნების ოთხი დამკვირვებლის ცხედარი იპოვეს
ავღანეთში, 20 ოქტომბერს ბალხის პროვინციიდან გატაცებული არჩევნების ოთხი დამკვირვებელის ცხედარი იპოვეს. ინფორმაციას ავღანური მედია ავრცელებს.
მათი ცხედრები პროვინციის ცენტრალურ ქალაქ მაზარი-შარიფში იპოვეს. მათ გატაცებასა და მკვლელობაზე პასუხისმგებლობა ჯერჯერობით არცერთ დაჯგუფებას არ აუღია.
დამკვირვებლები შაბათს ავღანეთის საპარლამენტო არჩევნებს აკვირდებოდნენ. არჩევნებმა ქაბულსა და ქვეყნის მთელ ტერიტორიაზე აფეთქებებისა და თავდასხმების ფონზე ჩაიარა. ჯამში ავღანეთში 20 ოქტომბერს 190-ზე მეტი შეიარაღებული თავდასხმა დაფიქსირდა, დაიღუპა 40-ზე მეტი და დაშავდა 240-მდე ადამიანი.
წყარო
